عام انسان پارٹی دور حاضر کی جدید ترین ڈیجیٹل پارٹی ہے جو ڈیجیٹل ٹیکنالوجیز اور ڈیجیٹل سسٹمز پر یقین رکھتی ہے۔ عام انسان پارٹی ڈیجیٹل الیکشن ، ڈیجیٹل کرنسی اور ڈیجیٹل پاکستان کے لیے کوشاں ہے۔ عام انسان پارٹی پاکستان کے تمام بڑے مسائل کا بہترین اور قابل عمل حل رکھتی ہے۔ یہ پاکستان کی پہلی پارٹی ہے جو عام انسانوں پر مشتمل ہے۔ جس میں عام انسان نہ صرف ممبر ورکر اور سپورٹر بن سکتے ہیں بلکہ قیادت بھی عام انسانوں کے پاس ہے۔ عام انسان پارٹی پاکستان کے عام انسانوں کو پارلیمنٹ میں پہنچا کر ملک کے اندر حقیقی جمہوری نظام لانا چاہتی ہے۔ عام انسان پارٹی اس بات پر مکمل یقین رکھتی ہے کہ پاکستان کے اندر موجود وسائل پاکستان کے مسائل کو حل کرنے کے لیے کافی ہیں۔ پاکستان کو قرضوں کی ضرورت نہیں۔ بہترین منصوبہ بندی اور معیاری تعلیم کے ذریعے ہم پاکستان کو ایک مضبوط ترقی یافتہ اور خوشحال ملک بنا سکتے ہیں۔

عام انسان پارٹی عام پاکستانیوں کا معیار زندگی بہتر بنانے اور پارلیمنٹ میں عام انسانوں کی موجودگی کو یقینی بنانے کے لیے سیاست کر رہی ہے۔ عام انسان پارٹی یہ سمجھتی ہے کہ عام انسان کاروباری ادارے ، فیکٹریاں ، بینک ، تعلیمی ادارے ، جہاز ، ریلوے چلانے کے ساتھ ساتھ ملک چلانے کی بھی بہترین صلاحیت رکھتے ہیں۔ لہٰذا سیاست اور پارلیمنٹ میں ان کی نمائندگی انتہائی ضروری ہے۔ کیونکہ عام انسان کی قیادت ہی عام انسان کے مسائل کو سمجھنے اور حل کرنے کی صلاحیت رکھتی ہے۔